काठमाडौँ / सरकारी जग्गा घोटाला प्रकरणमा पक्राउ परेका ब्यवसायी अरुण चौधरी र अजित नारायण सिंह थापालाई चिरायु अस्पतालमा भर्ना गरिएको छ ।
केन्द्रीय अनुसन्धान ब्युरो (सिआइबी)को नियन्त्रणमा रहेका चौधरीको मुटुमा समस्या देखिएपछि महाराजगञ्जस्थित चिरायु अस्पतालमा भर्ना गरिएको ब्युरोका एक अधिकृतले बताए ।
त्यस्तै, पक्राउ परेकामध्ये ८२ वर्षका थापाको पनि मुटुमा समस्या छ । सोही प्रकरणमा अपराह्न सीजी चाँदबागका अध्यक्ष सञ्जय ठाकुरलाई पनि पक्राउ परेका छन् । उनलाई भोलि (शुक्रबार) अदालतमा उपस्थित गराएर म्याद थप गर्ने तयारी छ ।
जिल्ला अदालत, काठमाडौँले उनीहरूलाई ४ दिन हिरासतमा राखेर अनुसन्धान गर्न अनुमति दिएको छ ।
अरुण चौधरीलाई बाँसबारी छालाजुत्ता कारखानाबाट च्याम्पियन फुटवेयर लिमिटेडको नाममा आएको १० रोपनी जग्गा निजिकरण गरेको आरोप लागेको छ ।
उनी चौधरी ग्रुपका सदस्य तथा सीजी होल्डिङका प्रबन्ध निर्देशक हुन् । अजितनारायण सिंह थापा बाँसबारी छालाजुत्ता कारखानाका पूर्व अध्यक्ष हुन् ।
सिआइबीको टोलीले व्यवसायी चौधरीलाई आज काठमाडौँको लैनचौर र थापालाई काठमाडौँको बत्तिसपुतलीबाट पक्राउ गरेको थियो ।
सरकारको नामको १० रोपनी जग्गा किर्ते गरेर निजीकरण गरेको आरोपमा सिआइबीले अनुसन्धान गरिरहेको छ ।उनीहरूलाई चार दिन हिरासतमा राख्न अदालतले अनुमति दिएको छ ।
जिल्ला अदालत काठमाडौँका न्यायाधीश माधवप्रसाद घिमिरेको इजलासले चौधरी र थापालाई आवश्यक अनुसन्धानका लागि हिरासतमा राख्न अनुमति दिएको जिल्ला अदालतका सूचना अधिकारी चन्द्रप्रसाद पन्थीले जानकारी दिए ।
.gif)
