काठमाडौँ / नेपाली बजारमा सुनचाँदीको मूल्य स्थिर भएको चौथो दिन बृद्धि भएको छ । नेपाल सुनचाँदी व्यवसायी महासङ्घका अनुसार अघिल्लो कारोबार दिनको तुलनामा आज सुनको भाउ प्रतितोला ३ सय रुपैयाँले बढेको हो । त्यस्तै, चाँदी पनि आज प्रतितोला पाँच रुपैयाँले महँगिएको छ ।
आइतबार छापावाल सुन प्रतितोला १ लाख १८ हजार रुपैयाँ रहेकोमा आज बढेर १ लाख १८ हजार ३ सय रुपैयाँ कायम भएको छ भने तेजावी सुन १ लाख १७ हजार ४ सय ५० रुपैयाँबाट बढेर १ लाख १७ हजार ७ सय ५० रुपैयाँ पुगेको छ ।
यसैगरी चाँदी प्रतितोला १ हजार ४ सय रुपैयाँबाट बढेर १ हजार ४ सय ५ रुपैयाँ पुगेको महासङ्घले जनाएको छ ।
.gif)
