काठमाडौँ / माध्यमिक शिक्षा (एसईई) परीक्षा आगामी चैत्र १५ गतेदेखि सुरु हुने भएको छ । आइतबार बसेको राष्ट्रिय परीक्षा बोर्डको बैठकले एसईई परीक्षा चैत १५ गतेदेखि २७ गतेसम्म सञ्चालन गर्ने निर्णय गरेको हो ।
बोर्ड अध्यक्ष डा महाश्रम शर्माका अनुसार बिचमा चैत ११ र १२ गते होली पर्व परेकाले त्यसपछि गर्नेगरी निर्णय गरिएको हो । बोर्डको वार्षिक कार्यतालिमा चैतको पहिलो साताबाट परीक्षा गर्ने उल्लेख भए पनि होलीको बिदा परेको कारण परीक्षा मिति सार्नुपरेको हो ।
यो वर्षको परीक्षाका लागि ४ लाख ८९ हजार ४४४ जनाले रजिष्ट्रेसन फाराम भरेका छन् । तीमध्ये २ लाख ४६ हजार चार छात्र र २ लाख ४३ हजार ४४० छात्राले रजिष्ट्रेसन फाराम भरेका छन् ।
यस वर्षको परीक्षामा प्रत्येक विषयमा न्यूनतम ३५ प्रतिशत ल्याउनै पर्ने व्यवस्था गरेको छ।
.gif)
