डिशहोमले ‘हरेक हप्ता सुपरस्टार सिजनकै मेगास्टार’ योजना अन्तर्गत धनगढीका आनसिंह बोहराले जितेको रकम हस्तान्तरण गरेको छ । एक कार्यक्रमको आयोजना गरी गुरुङलाई डिश मिडिया नेटवर्कका रिजनल सेल्स म्यनेजर विपिन्द्र न्यौपानेले नगद एक लाख रुपैयाँ हस्तान्तरण गरेका हुन् ।
गत कार्तिक २० गते सोमवार भएको लक्की ड्र मार्फत धनगढिका आनसिंह बोहराले नगद एक लाख रुपैयाँ जितेका हुन् । डिशहोमले दशैँ तिहारलाई लक्षित गर्दै आफ्नो नयाँ योजना ‘हरेक हप्ता सुपरस्टार सिजनकै मेगास्टार’ सार्वजनिक गरेको थियो ।
उत्साहजनक रूपमा यो योजनाको लाभ उठाई रिचार्ज तथा नयाँ कनेक्सन जडान गर्ने ग्राहकहरूलाई डिशहोमले धन्यवाद ज्ञापन गरेको छ । साथै हरेक हप्ता नगद एक लाख रुपैयाँ जित्न सफल विजेता ग्राहकहरूलाई पनि एक विज्ञप्ति जारी गर्दै कम्पनीले बधाई ज्ञापन गरेको छ ।
“निकट भविष्यमा पनि कम्पनीले यस्तै खालका विभिन्न योजनाहरू ल्याउने छ जसबाट हाम्रा ग्राहकहरुले लाभ उठाउने विश्वास कम्पनीले लिएको छ,” विज्ञप्तिमा उल्लेख छ ।
.gif)
