काठमाडौँ / एनआईसी एशिया बैंकले मंसिर महिनाका लागि ब्याजदर घटाएको छ।
बैंकले कात्तिकमा व्यक्तिगततर्फको मुद्दति निक्षेपमा अधिकतम ११.००३ प्रतिशत ब्याज उपलब्ध गराउँदै आएको थियो । तर, अब मंसिरमा भने यस्तो ब्याजदर घटाएर ८.९६८ प्रतिशतमा सीमित बनाएको हो ।
व्यक्तिगततर्फ ३ महिनादेखि १५ वर्ष अवधिसम्मको मुद्दति निक्षेपको ब्याजददर ८.९६८ प्रतिशत तोकिएको छ । यस्तै, ६ महिनादेखि १५ वर्षसम्म अवधिको संस्थागत मुद्दति निक्षेपको ब्याजदर पनि घटाएर बैंकले ६।९६८ प्रतिशत बनाएको छ ।
कल निक्षेपको ब्याजदर घटाएर २.२९२ प्रतिशत बनाइएको छ भने बचतको ब्याजदर पनि घटाएर ६.५८५ प्रतिशत कायम गरिएको छ ।
कात्तिकमा बैंकले कल डिपोजिटमा ३.००१ प्रतिशत ब्याजदर कायम गरेको थियो । यस्तै, कात्तिकमा बचतको ब्याजदर ८.००३ प्रतिशत कायम गरिएको थियो ।
यस्तो छ बैंकले मंसिरका लागि प्रकाशित गरेको ब्याजदर
.gif)
