काठमाडौँ / नेपालको निजी क्षेत्रको अग्रणी व्यावसायिक संस्था सूर्य नेपालले सनफिस्ट डार्क फेन्टासी चोको फिल्स कुकिज बजारमा ल्याएको छ । कम्पनीले बिस्कुट उत्पादन क्षेत्रमा पनि आफुलाई बिस्तार गर्दै चकलेटले भरिपूर्ण उच्चस्तरीय कुकिज नेपालमै उत्पादन तथा बिक्री वितरण आरम्भ गरेको हो । सूर्य नेपालको यस कदमलाई नेपाली खाद्य उद्योगको क्षेत्रमा एक उल्लेखनीय कार्य मानिएको छ । 

कम्पनीले सदैव देशको प्रतिष्ठालाई समेत ध्यानमा राख्दै, अन्तर्राष्ट्रिय स्तरका गुणस्तरीय उत्पादनहरू बजारमा ल्याइरहेको छ । सो क्रममा उच्चकोटीका सामग्रीहरूको समिश्रणमार्फत तयार गरिने डार्क फेन्टासी चोको फिल्स चकलेटको मिठास र बटरको क्रिस्पसहितको अतुलनीय स्वादले कुकिज पारखीहरूको मन जित्ने विश्वास रहेको कम्पनीले जनाएको छ ।

सनफिस्ट डार्क फ्यान्टसीको ब्रान्ड एम्बेसडरको रूपमा प्रतिभाशाली अभिनेत्री शिल्पा मास्केलाई अनुबन्ध गरिएको छ । बहुप्रतिष्ठित सनफिस्ट डार्क फेन्टासी अब नेपालभरीका खुद्रा पसल तथा डिपार्टमेण्ट स्टोरहरूमा उपलब्ध छ । अब उपभोक्ता वर्गले यसको उपभोग गर्दै खाजाको अनुभवमा नयाँपनका आभास गर्न सक्नुहुनेछ ।

यसका दुईथरी प्याकहरू हाल बजारमा उपलब्ध रहेका छन् । जसमध्ये एउटा ७५ ग्रामको आकर्षक प्याकेट भित्र ६ वटा भिन्दा भिन्दै पाउच हुन्छन् र यसको मूल्य ९० रुपैयाँ रहेको छ । यसैगरी ३०० ग्रामको आकर्षक प्याकेट भित्र २४ वटा छुट्टाछुट्टै पाउच हुन्छन् र यसको मूल्य ३५० रुपैयाँ रहेको छ ।