काठमाडौँ / नेपाल धितोपत्र बोर्ड (सोबन) बाट दुई म्युचुअल फण्डले इकाइ निष्काशनका लागि अनुमति पाएका छन् । बोर्डले एनआईबिएल सहभागिता फण्ड र सिद्धार्थ सिस्टमेटिक इन्भेस्टमेन्ट स्किमलाई थप इकाइ बिक्रीको स्वीकृति प्रदान गरेको हो ।
एनआईबिएल सहभागिता फण्ड’ एनआईबिएल म्युचुअल फण्डअन्तर्गत सञ्चालित खुलामुखी योजना हो । यस योजनाको कोष प्रवर्द्धक नेपाल इन्भेस्टमेण्ट मेगा बैंक र योजना व्यवस्थापकमा एनआईएमबि एस क्यापिटल रहेको छ ।
यो योजनाले धितोपत्र बोर्डबाट थप १ अर्बको इकाइहरु बिक्रीको अनुमति पाएको छ। यो हिसाबले अब यस योजनाले १० रुपैयाँ अंकित दरका थप १० करोड इकाइ बिक्री गर्नेछ ।
त्यसैगरी सिद्धार्थ सिस्टमेटिक इन्भेस्टमेन्ट स्किम धितोपत्र बोर्डबाट थप ५० करोड रुपैयाँबराबरको इकाइ बिक्री गर्ने अनुमति पाएको छ । अब यस योजनाले १० रुपैयाँ अंकित दरका थप ५ करोड इकाइ बिक्री गर्नेछ ।
.gif)
