काठमाडौँ / चालु आर्थिक वर्ष २०८०/८१ को पहिलो ५ महिना (साउन–मंसिर) मा करिब साढे १३ अर्ब रुपैयाँ बराबरको मोबाइल आयात भएको छ । भन्सार विभागको तथ्यांकअनुसार ५ महिनाको अवधिमा १३ अर्ब ५९ करोड ९५ लाख ६१ हजार रुपैयाँ बराबरको मोबाइल आयात भएको हो ।
५ महिनामा ९ लाख २ हजार ९ सय ८१ युनिट स्मार्ट फोन नेपाल आयात भएको छ । गत आर्थिक वर्ष २०७९/८० को सोही अवधिमा कुल ११ अर्ब २० करोड ८० लाख ९६ हजार रुपैयाँ बराबरको ८ लाख ३ हजार ८१८ युनिट स्मार्ट फोन नेपाल भित्रिएको थियो।
सरकारले स्मार्ट फोन आयातबाट २ अर्ब ५३ करोड २० लाख ९८ हजार रुपैयाँ राजस्व संकलन गरेको छ। नेपालमा ४८ मुलुकबाट स्मार्ट फोन आयात हुने गरेको छ।
सबैभन्दा धेरै चीनबाट ९ अर्ब ४८ करोड १२ लाख ९६ हजार रुपैयाँ बराबरको ६ लाख ५७ हजार १ सय ८८ युनिट स्मार्ट फोन आयात भएको तथ्यांक विभागसँग छ।
सरकारले स्मार्ट फोन आयातबाट २ अर्ब ५३ करोड २० लाख ९८ हजार रुपैयाँ राजस्व संकलन गरेको छ।
यस्तै, भारतबाट ३ अर्ब ९० करोड ७९ लाख ८४ हजार रुपैयाँ बराबरको २ लाख ४३ हजार २९५ युनिट स्मार्ट फोन आयात भएको छ।
बाँकी ४६ मुलुकबाट २१ करोड २ लाख ८१ हजार रुपैयाँ बराबरको २ हजार ४९८ युनिट स्मार्ट फोन आयात भएको हो।
.gif)
